Стора-ийн ажилтнуудын хувьд жилийн хамгийн том хямдралын өдрүүд хамгийн завгүй үе байдаг. Amazon Prime Day буюу Амазон худалдааны сайтын хамгийн том хямдрал нь мөн адил энэ завгүй өдрүүдийн нэг билээ. Сонин тохиолдлоор энэ жилийн Prime Day наадмын өдрүүдэд таарчихсан. Тиймээс бид наадмын амралтаар бусдын адил амарч чадалгүй хэрэглэгчдийнхээ захиалгуудыг биелүүлж өнгөрүүлсэн юм. 

Бусад албан байгууллагууд амарч байсан тул оффисын барилга маань нам гүм. Гэхдээ Стора-ийн оффист хүн бүр өндөр ачаалалтайгаар ажиллаж байсан тул мөн л нам гүм байв. Ялангуяа энэ үед хамгийн ачаалалтай ажилладаг хүмүүс бол “Customer Service team” буюу харилцагчийн үйлчилгээний багийн гишүүд маань юм. Амазоны энэ том хямдрал ердөө 48 цаг үргэлжилдэг тул хэрэглэгчид энэ хугацаанд багтаан хүсэж буй бараа бүтээгдэхүүнүүдээ захиалах шаардлагатай. Өөрөөр хэлбэл, богино хугацаанд үргэлжилдэг учраас захиалгын ачаалал их өндөр байдаг.

Дэлхийн өнцөг булан бүрээс олон сая хүмүүс хямдралын үеэр амжуулан захиалгуудаа хийдэг тул эрэлттэй бараа бүтээгдэхүүнүүд нүд ирмэхийн зуур дуусчихдаг. Тэгэхээр захиалга биелүүлж буй харилцагчийн үйлчилгээний багийнхан маань хурдтай, анхааралтай, нягт, хариуцлагатай байж хүн бүрийнхээ захиалгыг биелүүлэхээр чармайн ажиллаж байсан нь тун бахархууштай. 

Энэ жилийн Prime Day-ийн үеэр электрон хэрэгслүүд, гэр ахуйн бараа, хувцас болон гоо сайхны хэрэгслүүд хамгийн эрэлттэй худалдаагдлаа. Тэр дундаа хүмүүс Laneige брэндийн уруулын маск, Apple-ийн AirPods Max чихэвч, Levis-ийн жинс зэрэг бүтээгдэхүүнүүдийг хамгийн ихээр худалдан авсан байна.  

Хоёр өдрийн турш үргэлжилсэн зуны хямдралын дүнд дэлхий даяар нийт 375 сая бараа зарагдсан бөгөөд энэ нь Амазоны түүхэн дэх хамгийн том борлуулалт болсон онцлогтой. Prime Day-ийн эхний өдөр нь компанийн түүхэн дэх хамгийн том борлуулалтын өдөр болж шинэ дээд амжилт тогтоожээ. 

Хэрэглэгчид маань хямдралын үеэр Стора-аас захиалсан бараануудаа аль хэдийн хүлээн аваад эхэлсэн. Манай харилцагчийн үйлчилгээний багийнхан маань ирсэн захиалгуудыг гүйцэлдүүлэхдээ захиалга бүрийг давхар нягтлан шалгаж байдаг. Тиймээс хэрвээ Амазоноос бараа захиалахаар сонирхож буй бол эргэлзэлгүй Стора-даа хандаарай. Стора-ийн багийнхан хэрэглэгч захиалсан бараагаа гар дээрээ авах хүртлээ сэтгэл ханамжтай байх нөхцөлийг бүрэн хангахаар ажиллаж байдаг шүү. Догдлон хүлээсэн бараагаа гар дээрээ аюулгүй, хурдан хүлээж аваад онгойлгох мэдрэмжийг юутай ч зүйрлэшгүй билээ. 

Stora Makes You Smile 💛