Зуны улирлыг адал явдал дүүрэн аялалгүйгээр төсөөлөх аргагүй билээ. Та богино аялал эсвэл урт хугацаагаар аялж байгаагаас үл хамааран ачаа бараагаа цэгцтэй бөгөөд аюулгүй савлах хэрэгцээ гардаг. Ялангуяа өдөр тутамд шаардлагатай технологийн хэрэгслүүдээ эвдэрч гэмтэхээс сэргийлж авч явах нь тун хэцүү. 

Энэ тохиолдолд үнэ цэнтэй зүйлсээ удаан хугацаанд гамтай хэрэглэхийн тулд хамгаалалтын хэрэгслүүдийг эртхэн худалдан авах нь хамгийн зөв хөрөнгө оруулалт болдог шүү. Тиймээс Стора нь технологийн төхөөрөмжүүдээ аюулгүй авч явах зөвлөгөө болон аялалд нь хэрэг болохуйц бүтээгдэхүүнүүдийг санал болгоё. 

Санамсаргүй байдлаар бид төхөөрөмжүүдээ гэмтээж эсвэл гээж болзошгүй тул чухал хэрэгтэй мэдээлэл, зураг зэргээ “back-up” хийх буюу нөөцөлж байгаарай. Буцаж сэргээж чадахгүй нөхцөл байдалд орчихвол хэцүү учраас дараа нь харамссанаас урьдчилан бэлтгэх нь дээр шүү дээ. Үүнээс гадна авч явах цүнх, үүргэвч, чемодан зэргээ чанар сайтайг худалдан авах нь чухал. 

Таны төхөөрөмж бүр өөрийн гэсэн кейстэй байх ёстой. Зориулалтын кейс нь доргилт, сэв зураас болон бусад болзошгүй аюулуудаас сэргийлж чадна. Ялангуяа зөөврийн компьютер болон зургийн аппарат зэрэг төхөөрөмжүүд багахан зэргийн доргилтод амархан эвдрэх эрсдэлтэй байдаг. 

Зөөврийн компьютерын хувьд бид танд Tomtoc брэндийн 360 хамгаалалтын кейсийг санал болгож байна. Маш зузаан, чанартай материалаар хийгдсэн, дотор талдаа давхар зөөлөвчтэй төдийгүй усны хамгаалалттай учраас бүх төрлийн аюул ослоос хамгаалж чадна. Нэмэлт халаастай, олон өнгөний сонголттой учраас аялал гэлтгүй өдөр тутамдаа ашиглахад ч тохиромжтой “царайлаг” кейс ;)

Харин гар утсандаа Spigen брэндийн кейсүүдээс сонгоорой. Бүх төрлийн гар утсанд таарах хэмжээнүүд байдаг бөгөөд дэлгэцийн хамгаалалттай, шарладаггүй тунгалаг кейс зэрэг өнгө загварын олон сонголтууд байсан шүү. Бүгдээрээ доргилт болон дэлгэцийн хамгаалалттай. 

Хэрэв хол зам туулж байгаа бол амархан гэмтэх эрсдэлтэй төхөөрөмжүүдээ bubble wrap эсвэл хөөсөнд боогоорой. Ялангуяа дэлгэцтэй зүйлсээ ингэж давхар хамгаалах хэрэгтэй шүү. 

Технологийн жижиг хэрэгслүүд буюу цэнэглэгч, чихэвч, адаптер зэрэг маань усанд норох, унах, гээгдэх, орооцолдох зэрэг асуудлуудад хамгийн их өртдөг. Тэгвэл бүгдийг нь нэгтгээд чанартай жижиг цүнхэнд хийж авч яваарай. Стора нь VASCO брэндийн уг жижиг уут/цүнхийг санал болгож байна. Сайн чанарын даавуугаар хийгдсэн, усны хамгаалалттай, олон төрлийн хэмжээний сонголттой нь их таалагдсан шүү. Мөн сетээр нь авчихвал том хэмжээтэй уутнуудад нь хувцсаа хийж дахин ашиглах боломжтой. 

Эцэст нь сайн чанарын цүнх, кейс зэргийн тусламжтай та өөрийн үнэ цэнтэй төхөөрөмжүүдээ аяллын үед аюулгүй хадгалж амар тайван аялах боломжтой. Бидний гол зорилго бол хүнд жин нэмэхгүйгээр, харин ч зай хэмнэж цэгцтэй аялахын зэрэгцээ бүх эд зүйлсийнхээ аюулгүй байдлыг хангах гэдгийг бүү мартаарай. Аялалд нь амжилт хүсье!