1970-аад оны үед дэлхий даяар дэлгэрсэн “styling, image consulting” гэх ойлголт Монголд дэлгэрээд төдийлөн удаагүй байгаа билээ. Тэгвэл уг салбарт мэргэшсэн стилист Аранжин блогийн маань анхны ярилцлагын зочноор уригдан олон сонирхолтой сэдвүүдээр бидэнтэй ярилцлаа. Энэхүү ярилцлагаас та түүний стилист мэргэжлийг сонгох болсон шалтгаан, хүмүүсийн хувцаслалт дээр гаргадаг түгээмэл алдааны талаарх бодол болон бусад үнэ цэнтэй зөвлөгөөнүүдийг сонсож түүний дотоор ертөнцөөр аялах боломжтой. 

Үндсэн мэргэжлийн хувьд би Сингапурт Бизнесийн удирдлага болон Санхүү чиглэлээр суралцаж төгссөн. Багаасаа бүтээлч ажил, тэр дотроо хувцас, загварын ертөнцөд дуртай байсан тул үндсэн мэргэжилдээ дурлан ажилладаггүй байв. Гэхдээ хачирхалтай нь загварын ертөнцөд орж ажиллана ч гэж төлөвлөдөг байгаагүй. Харин Сингапурт байх хугацаандаа өөрийн хүсэл сонирхлоороо стилист, болон эвенттэй холбоотой ажлуудад оролцдог, мөн энэ салбарын хүмүүсээр илүү хүрээлүүлдэг байв. 

Удахгүй инстаграмаар өөрийн блогоо хөтөлж эхэлсэн. Хүмүүст миний контент, зөвлөгөө илүү хүрэхтэй зэрэгцэн хамтран ажиллах хүсэлтүүд ирж эхэлсэн дээ. Тэгээд стилист хэмээх мэргэжлийг албан ёсоор эзэмших ёстойгоо ойлгож сургалтуудад сууснаар өдгөө мэргэжлийн стилист болсон байна. 

Миний мэргэжилдээ дурладаг нэг томоохон шалтгаан бол хүний сэтгэл зүйтэй тулж ажилладаг онцлог нь юм. Би сэтгэл зүйн салбарт сонирхолтой, цаашдаа ч энэ чиглэлээр гүнзгийрүүлэн суралцах төлөвлөгөөтэй байдаг. Хувийн стилист гэх энэ мэргэжлийн хувцас загвар болон сэтгэл зүй хоёрыг хослуулдаг чанарт нь би хамгийн их дуртай. Мөн нэг газраа зогсохгүйгээр үргэлжид суралцаж байхыг шаарддаг нь таалагддаг. 

Хүмүүс өөрсдийн хувийн стилийг хайж олохгүйгээр хэн нэгний зөвлөсөн эсвэл тренд болж буй хувцаснуудыг сохроор дагаж өмсөөд байдаг. Хүн өөрийн дотоод ертөнцийг хувцсаараа илэрхийлж байдаг шүү дээ. Гэтэл бүгд тренд болсон бүрийг сонгож өмссөнөөр тухайн хүнийг илэрхийлэх онцгой чанар нь харагдахгүй болчихдог. Тийм ч учраас өөрийн дотоод ертөнцтэй танилцаж, мэдрэмжээ сонсож, хувь хүний онцлог чанараа хайж судлах бол хамгийн эхний алхам байх ёстой юм. 

Мэдээж загварлаг, тренд болж буй хувцаснуудыг сонгож өмсөж болно шүү дээ. Харин тухайн хувцсаа өөрийн онцлогт тааруулан аксесуар болон жижиг деталиудаар чимэглэх нь тохиромжтой. Жишээлбэл, сүүлийн үед тренд болоод буй жинсен юбкаг олон хүн өмсөх болсон, тэгвэл та өөрийн сонирхлын дагуу тэлээ зүүх, сонирхолтой оймс өмсөх зэргээр стилийг нь бага зэрэг өөрчилж болно. Мөн үсний засалт, хумсны будалт ч үүнд багтана. Хүн бүрд байвал зохих “basic” хувцаснууд буюу цагаан подволк, жинсэн шорт зэрэг мэдээж өдөр тутамд өмсөгддөг. Харин яаж өөрийн онцлог, сонирхолд тааруулж “style” хийх вэ гэдэг нь чухал.  

Цахим сэтгүүл, вебсайтуудын хувьд The Business of Fashion, Women’s Wear Daily, Vogue, Harper’s BAZAAR унших дуртай. Харин инстаграм дээр Leonie Hanne, Maggie Maurer, Emili Sindlev гэсэн хүмүүсийн стил, хувцаслалт нь таалагддаг. 

Эдгээр хүчин зүйлс нь тухайн хүний амьдралын хэв маяг, сонирхлоос хамаардаг. Миний хувьд илүү натурал, минимал сонголтууд хийхийг зөвлөдөг. Мөн дутагдлаа нуухаас илүүтэй, өөрт өгөгдсөн давуу талаа тодруулж харуулах нь чухал байдгийг онцолж хэлмээр байна. 

Эрчүүдийн гаргадаг нэг алдаа нь өөртөө зохидог гэж үзсэн нэг хувцсаа олон ширхгээр нь авчихдаг. Тиймээс байнга нэг төрлийн хувцастайгаа явж байгаа мэт харагдах гээд байдаг талтай. Өөрт зохидог төрлийн хувцсаа авахад буруудахгүй ч өөр материалтай эсвэл өөр деталь оруулгатай байдлаар сонговол зүгээр байдаг. Ер нь эрчүүдийн хувьд маш энгийн. Зөв “basic” хувцаснуудаа бүрдүүлж чадвал олон төрлийн лүүк гаргах боломжтой байдаг. Тиймээс өөрт зохидог цөөн атлаа чанартай хувцаснуудыг сонгох нь чухал. 

Юун түрүүнд тухайн хүний төсөв, хувцасны шүүгээ зэрэг одоогийн нөхцөл байдалд нь тохиромжтой шийдэл санал болгохыг хичээдэг. Түүнчлэн хамгийн хэмнэлттэй бөгөөд хурдан шийдэл нь зай хэмнэх маш олон жижиг хэрэгслүүдийг ашиглах байдаг. Жишээлбэл, жижиг хайрцаг, давхар өлгөдөг өмдний өлгүүр, жижиг шүүгээ болон өлгүүр зэрэг хэрэгслүүд жижиг боловч маш том өөрчлөлт авчирдаг. 

Эмэгтэй хүний шүүгээнд "Hoop" загварын ээмэгнүүд, Минимал хүзүүний зүүлт, Цагаан арьсан кет, Арьсан минимал цүнх, Дундаж хэмжээтэй тэлээ заавал байх хэрэгтэй. 

Хувцаслалт бол хүний дотоод ертөнцийн илэрхийлэл байдаг. Хүн бүр хувьсаж өөрчлөгдөж байдагтай зэрэгцэн бидний хувцаслалт, стиль ч мөн дагаж өөрчлөгдөж байдаг. Тиймээс өөрийгөө хувцаслалтаараа илэрхийлэхийг бүтээлч ажил хэмээн харж нэг зүйлд баригдалгүй, дотоод ертөнцөө чөлөөтэй илэрхийлэх тэр аяллаа битгий зогсоогоорой :)