Намрын улирал ирж оюутан сурагчдын хичээл эхлэх цаг дөхлөө. Хичээлийн шинэ жилийн хамгийн сэтгэл догдлом мөч бол шинэ хичээлийн хэрэгсэл, цүнх, хувцсаа цуглуулах байдаг шүү дээ. Тиймээс 100,000 төгрөгт Стора-аас захиалж болох нэн хэрэгцээтэй хичээлийн хэрэгслүүдийг нь багтаасан дараах жагсаалтыг гаргалаа. Уг нийтлэл дээр санал болгосон бүтээгдэхүүнүүдийг Wirecutter-ийн 10 гаруй жилийн туршлагатай шүүмжлэгч, тоймчдын нийтлэлүүдээс түүвэрлэн сонгосон болно. 

Өдрийн хоолоо савлаад авч явах нь эрүүл мэндэд тустайгаас гадна цаг болон мөнгөнд маш хэмнэлттэй зөв дадал билээ. “Lunch Box” буюу өдрийн хоолны сав тань авч явах болон цэвэрлэхэд хялбар, мөн удаан эдэлгээтэй байвал тохиромжтой. Хоолоо аз жаргалтайгаар, таашааж идэхэд хоолны савны үүрэг үлэмж их. Тиймээс Стора-аас нь загвар дизайн болон ерөнхий бүтцийн хувьд ялгаатай дээрх дөрвөн төрлийн хоолны савнуудыг сонгон санал болгож байна. 

Өөрийн гэсэн усны саваа авч явах нь магадгүй хэзээ ч моодноос гарахгүй тренд гэдэгтэй та санал нийлэх биз ээ. Усны савандаа ус хийж авч явах нь дэлгүүрээс ус худалдаж авснаас илүү хямд байдгаас гадна байгальд ээлтэй. Дэлхий даяар ус савлахад жил бүр 2.7 сая тонн хуванцар хэрэглэдэг. Савласан усыг зах зээлд борлуулахад агаарын бохирдол, нүүрстөрөгчийн давхар исэл ялгарснаар дэлхийн дулааралд сөргөөр нөлөөлж байдаг юм. Тийм учраас эх дэлхийгээ хайрлаж хүн бүр өөрийн усны саваа авч явж байхыг Стора-аас нь уриалж байна. Авч явахад эвтэйхэн, өнгө үзэмж сайтай, боломжийн үнэтэй атлаа хамгийн чанартай дараах усны савуудыг санал болгож байна: 

ЭЕШ-дээ бэлдэж эхлэхээр зэхэж буй ахлах сургуулийн сурагч, шинэ семестртээ бэлдэж буй оюутан эсвэл оффисын ажилтан байхаас үл хамааран Стора нь Wirecutter-ийн санал болгосноос дараах гурван дэвтрийг онцоллоо. 

Apica Premium C.D. Notebook бол нимгэн ном шиг хавтастай бөгөөд маш чанартай атлаа зөөлөн цаасаар хийгдсэн. Үзэг гулсахуйц зөөлөн гэж тайлбарласан уг цаас нь хүрэхэд ч урамтай аж. Мөн цаасны хэтэрхий цагаан биш, хэтэрхий шар ч биш өндөгний хальс шиг зөөлөн өнгө нь их таалагдсан. Хоорондоо хангалттай зайтай шугам нь бүх төрлийн хичээл, ажлаа бичихэд тохиромжтой. Харин арай хямд үнэтэй CD15 загвар нь илүү цайвар өнгийн цаастай ба хамаагүй нимгэн хавтастай. 

Хэрэв та боломжийн үнэтэй атлаа чанартай хатуу хавтастай, зузаан цаастай дэвтэр хайж байгаа бол PAPERAGE Lined Journal Notebook төгс тохирно. Харахад энгийн л загвартай боловч торгомсог тууз бүхий хавчуурга, арын халаас зэрэг өдөр тутамд хэрэгцээтэй деталиудыг шингээсэн нь таалагдсан. 

Чанартай үзэг нь сэтгэл ханамж өгөхийн зэрэгцээ ажлыг хөнгөвчилдөг. Тиймээс өөрт тохирсон чанартай үзгээр бичих нь ямар чухал вэ гэдгийг ажил хийдэг та илүү ойлгож байж мэднэ. 

Wirecutter сайт нь хамгийн шилдэг үзгээрээ Uni-ball Jetstream RT-ийг онцолсон байх бөгөөд уг үзэг нь хурдан хатдаг учраас солгой гартнуудад хамгийн тохиромжтой. (НӨАТ-ийн баримт дээр солгой гараараа бичсэн ч гар заваарахааргүй гэсэн шүү) 

Харин SAKURA Pigma Micron Fineliner үзэг бол зөвхөн бичээд зогсохгүй мөн төрөл бүрийн зураг зурдаг, каллиграфи зурдаг хүмүүст ч тохиромжтой гаралт сайтай үзэг. Muji брэндийн үзгийг харин нарийн гаралттай үзэг хайж буй хүмүүст санал болгоё.

Бидний хэрэглэж заншсан балын харандаа нь гаднаасаа бүгд төстэй харагдавч брэндээсээ хамааран харандааны балын өнгө болон хатуулаг нь бага зэргийн ялгаатай байдаг.

Ерөнхийдөө №2 болон HB балтай харандаануудыг бичихэд хамгийн тохиромжтой гэж үздэг бөгөөд стандарт шалгалтуудад ч мөн адил эдгээр төрлийн харандааг шаардах нь олонтоо. Дээрх гурван брэндийн харандаа нь чанар, стандартын хувьд төдийгүй хэрэглэхэд хялбар хувьд хэрэглэгчдэд сайшаагддаг. Багцаар нь захиалчихвал цаг, мөнгөнд хэмнэлттэй.