Таны захиалга агуулахаас хүргэлтэнд гарсан төлөвт ороогүй бол Сторабоксын хаягаа солих боломжтой.
Тээврийн зардлаа төлөхөөс өмнө солих бол 75077570 дугаарын утсаар холбогдон хүсэлт гарган, өөрчилнө.
Тээврийн зардлаа төлсний дараа солих бол Захиалга "дэлгэрэнгүй харах"- Сторабоксын мэдээллийн хажууд харагдаж буй "Өөрчлөх" товч дээр дарах- Сторабоксоо сонгох- Хадгалах алхмаар солих боломжтой.

Тээврийн зардал төлөгдсөнөөс хойш 24 цагийн дотор Сторабокст хүргэгдэнэ. Сторабокст хүргэгдэх үед таны утсанд мсж очих ба веб рүүгээ орж шалгахад илгээмж хэсгийн дээр “Сторабокс код авах" хэсэг үүссэн байх ба эндээс 6 оронтой нууц код авч Сторабокст хийснээр захиалгаа авна.

Захиалга Сторабокст хүргэгдсэний дараа веб рүүгээ орж шалгахад илгээмж хэсгийн дээр "Нууц код авах" хэсэг үүссэн байх ба эндээс 6 оронтой нууц код авч Сторабокст хийснээр захиалгаа авна.

Захиалга тань Сторабокст хүргэгдсэнээс хойш 24 цагийн дотор бараагаа авах шаардлагатай. 24 цагийн дотор бараагаа аваагүй тохиолдолд хэтэрсэн хоногийн тоогоор өдөрт 5000₮ тооцож, хадгалалтын төлбөр тооцогдохыг анхаарна уу.
Сторабокст хүргэгдсэн захиалгаа авалгүй 7-с дээш хоновол захиалгыг агуулах руу буцаах ба дахин Сторабоксоор хүргэлт хийхгүй тул хэрэглэгч агуулахаас очин, сторабоксын хуримтлагдсан хадгалалтын төлбөрийг төлж захиалгаа авна.

Та манай агуулахаас ирж авах ба одоогоор хаягаар хүргэлт хийх үйлчилгээ байхгүй.

Бид хэрэглэгчийн захиалгыг ачаа тээврийн компанид хэрэглэгчийн өмнөөс түрүүлж төлөн авчирдаг ба түүний дараа хэрэглэгчээс тээврийн зардлыг нэхэмжилдэг.
Хэрэглэгч захиалгаа Стора-н Монгол дахь агуулахад ирсэн тухай мэдэгдлийг мессеж болон мэйл хаягаар хүлээн авсан өдрөөс хойш хуанлийн 30 хоногийн дотор тээврийн зардлаа төлж, бараагаа хүлээн аваагүй тохиолдолд Иргэний хуулийн 258 болон 259 дүгээр зүйлд заасны дагуу худалдан борлуулах эрх үүснэ.
Тухайн барааг худалдах тухай хэрэглэгчид долоо хоногийн дотор утас, мэйл, мессежийн аль боломжит сувгаар мэдэгдэнэ.
Барааг худалдсан үнээс тухайн барааны тээврийн зардал, түүний хадгалалтын төлбөр, худалдахтай холбогдсон зардлыг суутган тооцож, мөнгө үлдсэн бол хэрэглэгчид буцаан олгоно.

Манай агуулах нарны зам дагуу Миний дэлгүүр, МТ колонк хоёрын дунд байрлах Маргад төвийн B1 давхарт байрлаж байна.
Цагийн хуваарь: Даваа-Баасан 11:00-20:00 /Цайны цаг 15:00-16:00/

Хэрэв та нэг ижил төрлийн бараанаас 2-с дээш тоогоор захиалсан эсвэл төлсөн төлбөр тань 5,500,000 төгрөгөөс их /зөөврийн компьютерийн хувьд 16,500,000 төгрөгөөс их/ дүнтэй захиалга хийсэн бол захиалга гааль дээр саатна.
Энэ тохиолдолд хэрэглэгч гаалийн баталгаат агуулахаас өөрийн биеэр очин бараагаа авах ба бидний зүгээс гаалийн бүрдүүлэлтэнд шаардагдах материалуудаар хангах үүрэгтэй.
Мөн зарим тохиолдолд Улс хоорондын шуудан илгээмжийн гаалийн газраас гаалийн татвар ногдуулах зорилгогүйгээр улс хоорондын шуудан илгээмжүүдээс санамсаргүй байдлаар сонгон хяналт, шалгалт явуулдаг. Энэ тохиолдолд хэрэглэгч гаалийн баталгаат агуулахаас өөрийн биеэр очин бараагаа авах ба бидний зүгээс гаалийн бүрдүүлэлтэнд шаардагдах материалуудаар хангах үүрэгтэй.
***Монгол Улсын Гаалийн тухай хууль болон бусад холбогдох хууль, дүрэм, журмын дагуу Улс хоорондын шуудан илгээмжийн гаалийн газар нь ямар ч тохиолдолд, ямар ч шалтгаанаар таны ачаа, барааг саатуулах бүрэн эрхтэй байдаг. Энэ тохиолдолд Стора танд ачаа бараа саатсан тухай мэдэгдэл өгөх, шаардлагатай бичиг баримтуудаар хангах үүрэгтэй. Харин та гаалийн газарт өөрийн биеэр очиж, ачаа бараагаа авах, шаардлагатай тохиолдолд гаалийн бүрдүүлэлт хийж, ачаа бараагаа хүлээн авах үүрэгтэй.
Ачаа барааг гаалийн баталгаат агуулахад хадгалагдаж байх хугацаанд хуримтлагдсан хадгалалтын төлбөрийг хэрэглэгч төлөх үүрэгтэй.

Үйлчилгээний нөхцөлийн "Захиалга цуцлах тухай" хэсэгтэй дараах холбоосоор танилцана уу: https://www.stora.mn/terms#s23

Үйлчилгээний нөхцөлийн "Монголд ирсэн захиалгын барааг буцаах" хэсэгтэй дараах холбоосоор танилцана уу: https://www.stora.mn/terms#s25